Pentsaera
ilustratua eta Ilustrazioa hainbat giza aldaketa ekarri zituzten.
Frantziako Iraultzaren (1789) ekarpen
handienetako bat Giza eskubideen
aldarrikapena izan zen.
Dena den, Iraultzak alde negatiboak ere izan
zituen. Besteak beste, egoera berria inposatzeko ahalegina, askotan
indarkeriaz, eta iraganeko arrasto guztiak (erlijioa barne) ezabatzeko gogoa.
Frantziako Iraultzaren ondoren, Estatua eta
Eliza independizatu egin ziren toki askotan. Hala ere, bien arteko arazoak ez
ziren orduan bukatu. Herritarrak berberak ziren bi erakundeentzat; beraz,
Elizaren eta Estatuaren ekintzek nahitaez egiten zioten oztopo elkarri.
Eliza eta Estatua banatuz sortu zen egoera
berriak hainbat neurri ekarri zituen eta horiek zuzenen eragin zioten Elizari:
-Kleroari pribilegioak kendu zizkioten eta
erlijio-kongregazioak mugatu eta kendu zituzten; besteak beste, jesuitak.
-Ondasunak kendu zizkieten. Horiei esker
mantentzen ziren, batez ere, monasterioak. Ondasunak kentzeari desamortizazio esaten zaio.
Desamortizazioak burgesia berri baten hazkundea bideratu zuen: ondasun
haien erosle asko eta asko lanbide liberaletan ziharduten pertsonak izan ziren.
No hay comentarios:
Publicar un comentario